2. sætiHvalbak · 0223116

Umsögn dómnefndar

Meginhugmynd tillögunnar er sterk og birtist í stílhreinu og fáguðu mannvirki sem vinnur vel með nærumhverfi sínu. Bogaformið er l átlaust og formfagurt. Léttleiki brúarinnar er undirstrikaður með V-laga stöplum sem snerta hafflötinn aðeins á tveimur stöðum og brúin virðist svífa yfir haffletinum.

Tengingar við brúarenda eru vel l eystar. Aðskilnaður milli akandi umferðar og óvarinna vegfarenda er góður. Áningarstaðir við brúarenda eru sérlega áhugaverðir sem upplifunarstaðir, ekki of umfangsmiklir og leggja sig vel inn í landið og mynda skjól. Formgerð brúarinnar leiðir af sér einfalt efnisval þar sem tekið er tillit til umhverfissjónarmiða.

Lýsingarhönnun er vel útfærð og sýnir fram á góða heildarlausn fyrir vegfarendur og ásýnd brúarinnar.