Innsend tillagaFossvogsbrú · 1305271

Texti úr tillögu

Brú yfir Fossvog leikur stórt hlutverk í eflingu vistvænna samgangna á höfuðborgarsvæðinu og þéttingu byggðar á Kársnesi og í Vatnsmýri. Brúin sem tengir saman þessa tvo borgarhluta er auk þess einstakur áningarstaður. Á brúnni má stunda ýmiskonar útivist og njóta útsýnis yfir sundin og byggðina.

Brúin er mikilvægt kennileiti fyrir bæði Reykjavík og Kópavog. Hún samanstendur af einum löngum en lágreistum boga sem situr haganlega á tveimur brúarstöplum úti á haffletinum. Um er að ræða brú með einum miðlægum netstrengdum boga, fyrstu slíku brúna hér landi.